കുവൈത്ത് സിറ്റി: പഠിച്ചു പാസ്സായ വിദ്യാര്‍ത്ഥികള്‍ക്ക് ഉപരിപഠനത്തിന് സൗകര്യം ഒരുക്കണമെന്നാവശ്യപ്പെട്ടു സമരം ചെയ്ത എം.എസ്.എഫ്. പ്രവര്‍ത്തകരെ കൈവിലങ്ങണിയിച്ച പോലീസ് നടപടി അങ്ങേയറ്റം പ്രതിഷേധാര്‍ഹവും, ജനാതിപത്യ കേരളത്തിന് അപമാനവുമാണെന്ന് കുവൈത്ത് കെ.എം.സി.സി. സംസ്ഥാന പ്രസിഡന്റ് ഷറഫുദ്ധീന്‍ കണ്ണേത്തും ജനറല്‍ സെക്രട്ടറി എം.കെ. അബ്ദുല്‍റസാഖ് പേരാമ്പ്രയും പ്രസ്താവിച്ചു.
പരീക്ഷ എഴുതാതെ പാസ്സാകുന്നവരും, വ്യാജ സര്‍ട്ടിഫിക്കറ്റ് ഉണ്ടാക്കുന്നവരും വിലസുന്ന കേരളത്തില്‍ പഠിച്ചു ജയിച്ച വിദ്യാര്‍ത്ഥികള്‍ക്ക് വേണ്ടി ശബ്ദമുയര്‍ത്തുന്നവരെ കൈവിലങ്ങണിയിച്ച പോലീസ് ഇത് കേരളമാണെന്ന് മറക്കരുതെന്നും നേതാക്കള്‍ മുന്നറിയിപ്പ് ചെയ്തു.