അഹമ്മദാബാദ്: തെരുവില്‍ അലഞ്ഞുനടക്കുന്ന പശുവിന്റെ കുത്തേറ്റ ഗുജറാത്തിലെ എം.പിയുടെ നില അതീവ ഗുരുതരമായി തുടരുന്നു. ബി.ജെ.പിയുടെ പഠാനില്‍ നിന്നുള്ള എം.പിയായ ലീലാധര്‍ വഗേല (83) ക്ക് വ്യാഴാഴാചയാണ് ഗാന്ധിനഗറില്‍ തന്റെ വീടിന് സമീപത്ത് വെച്ച് പശുവിന്റെ കുത്തേറ്റത്.
വാരിയെല്ലിനും തലക്കും ഗുരുതരമായി പരിക്കേറ്റ എം.പിയെ അപ്പോളോ ആശുപത്രിയിലെ ഐ.സി.യുവില്‍ പ്രവേശിപ്പിച്ചിരിക്കുകയാണ്. ആന്തരിക രക്തസ്രാവത്തെ തുടര്‍ന്ന് ശരീരത്തില്‍ രക്തം കട്ട പിടിച്ചതിനാല്‍ എം.പിയുടെ നില ഗുരുതരമായി തുടരുകയാണെന്ന് ഡോക്ടര്‍മാര്‍ പറഞ്ഞു.