പുത്തന്‍ത്തോപ്പില്‍ പൊള്ളലേറ്റ് യുവതിയും ഒമ്പത് മാസം പ്രായമുള്ള കുഞ്ഞും മരിച്ച സംഭവം കൊലപാതകമെന്ന് യുവതിയുടെ പിതാവ് പരാതി ഉന്നയിച്ചു.. മകളേയും കുഞ്ഞിനേയും തീകൊളുത്തി കൊന്നത് ഭര്‍ത്താവ് റോജ ഡെയ്‌ലില്‍ രാജു ജോസഫ് ടിന്‍സിലിയാണെന്നാണ് പിതാവ് പ്രമോദിന്റെ ആരോപണം. രാജുവിന്റെ അവിഹിത ബന്ധം പല തവണ ചോദ്യചെയ്തിനെ തുടര്‍ന്ന് മർദ്ദിച്ചിരുന്നുവെന്നും. തങ്ങളുടെ മുന്നിൽവെച്ചും മകളെ ഉപദ്രവിച്ചിട്ടുണ്ടെന്നും പ്രമോദ് പറഞ്ഞു.
അതേസമയം പിതാവിന്റെ ആരോപണം രാജു നിഷേധിച്ചു. ദിവസങ്ങള്‍ക്ക് മുമ്പ് അഞ്ജു ആത്മഹത്യാ ശ്രമം നടത്തിയിരുന്നുവെന്നും കുഞ്ഞുമായി പോവുകയാണെന്ന് മെസേജ് അയച്ചിരുന്നുവെന്നും രാജു പറഞ്ഞു.ഏത് അന്വേഷണത്തിനും തയ്യാറാണെന്നും രാജു വ്യക്തമാക്കി .ഇന്നലെ വൈകീട്ടാണ് വീടിനുള്ളിലെ കുളിമുറിയില്‍ പൊള്ളലേറ്റ് മരിച്ച നിലയില്‍ അഞ്ജു വിനെ കണ്ടത്തിയത്. ഒമമ്പത് മാസം പ്രായമുള്ള മകന്‍ ഡേവിഡിനും പൊള്ളലേറ്റിരുന്നു. ഗുരുതരമായ പൊള്ളലേറ്റ് ചികിത്സയിൽ കഴിയുകയായിരുന്ന കുഞ്ഞും ഇന്ന് മരിച്ചു. ഒന്നര വർഷം മുമ്പായിരുന്നു രാജുവും അഞ്ജുവും വിവാഹിതരായത്.