മലപ്പുറം: താനൂരില്‍ അമ്മയെയും ഭിന്നശേഷിക്കാരിയായ മകളെയും വീട്ടിനുള്ളില്‍ മരിച്ച നിലയില്‍ കണ്ടെത്തി. താനൂര്‍ സ്വദേശിനി ലക്ഷ്മി ദേവി എന്ന ബേബി ( 74 ) ഇവരുടെ മകള്‍ ദീപ്തി (36 ) എന്നിവരാണ് മരിച്ചത്. വീട്ടിലെ മുറിയില്‍ നിന്ന് തൂങ്ങി മരിച്ച നിലയിലാണ് ലക്ഷ്മി ദേവിയുടെ മൃതദേഹം കണ്ടെത്തിയത്. ഇതേ മുറിയിലെ കട്ടിലില്‍ മകള്‍ ദീപ്തിയെ മരിച്ച നിലയിലും കണ്ടെത്തിയത്.
ദീപ്തി ഭിന്നശേഷിക്കാരിയാണ്. സംഭവ സ്ഥലത്ത് പൊലീസെത്തി പരിശോദന നടത്തി. പോസ്റ്റ്‌മോര്‍ട്ടത്തിനുശേഷമെ കൂടുതല്‍ കാര്യങ്ങള്‍ വ്യക്തമാകുകയുള്ളുവെന്നും പൊലീസ് അറിയിച്ചു. സംഭവത്തില്‍ അസ്വഭാവിക മരണത്തിന് പൊലീസ് കേസെടുത്തു.