മഹാരാഷ്ട്രയില്‍ ബിജെപിക്കു വേണ്ടി പണം ഒഴുകുകയാണെന്ന് മുന്‍ കേന്ദ്ര മന്ത്രിയും നാഷണലിസ്റ്റ് കോണ്‍ഗ്രസ് പാര്‍ട്ടി നേതാവുമായ ശരദ് പവാര്‍. പൊലീസ് വാഹനങ്ങള്‍ പണമെത്തിക്കാന്‍ ഉപയോഗിക്കുകയാണെന്നും അദ്ദേഹം പറഞ്ഞു. പൊലീസ് ഉദ്യോഗസ്ഥരില്‍ നിന്നും ഇതു സംബന്ധിച്ച വിവരം ലഭിച്ചിട്ടുണ്ടെന്നും ശരദ് പവാര്‍ വ്യക്തമാക്കി.
നിയമസഭാ തിരഞ്ഞെടുപ്പ് നടക്കാനിരിക്കെ പൊലീസ് വാഹനങ്ങളും മറ്റും ഭരണകക്ഷി നേതാക്കള്‍ക്ക് പണമെത്തിക്കാന്‍ ഉപയോഗിക്കുകയാണെന്നാണ് ശരദ് പവാര്‍ ആരോപിച്ചത്. നിരവധി പേരില്‍ നിന്നും ഇതുമായി ബന്ധപ്പെട്ട് വിവരങ്ങള്‍ ലഭിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു. ഗോവിന്ദ്ബാഗിലെ വസതിയില്‍ വെച്ച് മാധ്യമങ്ങളോട് സംസാരിക്കുന്നതിനിടെയായിരുന്നു അദ്ദേഹത്തിന്റെ പരാമര്‍ശം.