കോതമംഗലം എസ് എച്ച് കോണ്‍വെന്റില്‍ സന്യസ്ത വിദ്യാര്‍ത്ഥിനിയെ തൂങ്ങി മരിച്ച നിലയില്‍ കണ്ടെത്തി. തൊടുപുഴ വെള്ളിയാമറ്റം സ്വദേശി അന്നു അലക്‌സ് ആണ് മരിച്ചത്.
കഴിഞ്ഞ ദിവസം രാത്രി ഭക്ഷണം കഴിച്ച ശേഷം അന്നു പ്രാര്‍ത്ഥനയ്ക്ക് എത്തിയിരുന്നില്ല. തുടര്‍ന്ന് മഠത്തിലെ മറ്റ് അന്തേവാസികള്‍ അന്വേഷിച്ചപ്പോഴാണ് തൂങ്ങി മരിച്ച നിലയില്‍ കണ്ടെത്തിയത്.ആത്മഹത്യാ കുറിപ്പും പൊലീസ് കണ്ടെത്തിയിട്ടുണ്ട്. മരണത്തില്‍ ദുരൂഹതയില്ലെന്നാണ് പ്രാഥമിക വിവരം.പോലീസ് അന്വേഷണം ആരംഭിച്ചു.