മോദിയെ അമിതമായി ആശ്രയിച്ചു, വേണ്ടത്ര പണിയെടുത്തില്ല; രാജസ്ഥാനിൽ പാർട്ടിക്കേറ്റ തിരിച്ചടിയിൽ ബി.ജെ.പി

കിട്ടുമെന്ന് കരുതിയ വോട്ട് കിട്ടിയില്ലെന്നും പ്രവർത്തകർ കാര്യമായി പണിയെടുത്തില്ലെന്നും ബി.ജെ.പി നേതാവ് പറഞ്ഞു. എല്ലാവരും അവർ ചെയ്യേണ്ട കാര്യങ്ങൾ ചെയ്യാതെ എല്ലാം പ്രധാനമന്ത്രി ചെയ്‌തോളും എന്ന് കരുതിയെന്നും നേതാവ് കൂട്ടിച്ചേർത്തു. നിയമസഭാ
തെരഞ്ഞെടുപ്പിൽ വിജയിച്ചതിന്റെ ആത്മവിശ്വാസം ലോക്സഭാ തെരഞ്ഞെടുപ്പിൽ സഹായകമായില്ലെന്നും അദ്ദേഹം കൂട്ടിച്ചേർത്തു.

സംസ്ഥാന ഘടകത്തിനുള്ളിലെ ജാതി സമവാക്യങ്ങളും പാർട്ടിയിലെ ഒരു വിഭാഗത്തെ അസ്വസ്ഥരാക്കിയിട്ടുണ്ടെന്ന് മറ്റൊരു മുതിർന്ന നേതാവ് പറഞ്ഞു. ‘മുഖ്യമന്ത്രി ബ്രാഹ്മണനാണ്, സംസ്ഥാന അധ്യക്ഷൻ ബ്രാഹ്മണനാണ്, മറ്റ് ഉന്നത പദവികൾ വഹിക്കുന്ന നിരവധി നേതാക്കൾ ബ്രാഹ്മണരാണ്, അതിനാൽ സംസ്ഥാന പ്രസിഡൻ്റിനെയും മാറ്റണോ എന്ന ചർച്ചയാണ് ഇപ്പോൾ പാർട്ടിയിൽ നടക്കുന്നത്. ചർച്ചകൾ പുരോഗമിക്കുകയാണ്,’ നേതാവ് പറഞ്ഞു.