എംഎന്‍ സ്മാരക ഫണ്ട് പിരിവില്‍ തിരിമറി നടത്തിയ സിപിഐ കൊല്ലം കടയ്ക്കല്‍ മണ്ഡലം സെക്രട്ടറിയെ നീക്കി. ജെ സി അനിലിനെയാണ് സെക്രട്ടറിസ്ഥാനത്ത് നിന്ന് മാറ്റിയത്. 7.18 ലക്ഷം രൂപ തിരിമറി നടത്തിയതിനാണ് നടപടി.
അനിലിന്റെ പേരില്‍ ഉയര്‍ന്നിട്ടുള്ള എല്ലാ സാമ്പത്തിക അഴിമതികളും അന്വേഷിക്കാന്‍ ജില്ലാ കമ്മിറ്റി തീരുമാനിച്ചിട്ടുണ്ട്. എട്ട് ലോക്കല്‍ കമ്മിറ്റികളില്‍ നിന്ന് പിരിച്ച പണം അഞ്ച് മാസം അനില്‍ തിരിമറി നടത്തി. സംസ്ഥാന കമ്മിറ്റി ബാങ്കില്‍ സമര്‍പ്പിച്ച ചെക്ക് പണമില്ലാതെ മടങ്ങിയതോടെയാണ് തിരിമറി മനസിലായത്.