വി.ഡി. സതീശന് എതിരായി എടുത്തിരിക്കുന്ന വിജിലൻസ് അന്വേഷണം രാഷ്ട്രീയ പ്രേരിതമാണെന്ന് യു.ഡി. എഫ് കൺവീനർ എം.എം. ഹസ്സൻ തിരുവനന്തപുരത്ത് വാർത്താസമ്മേളനത്തിൽ പറഞ്ഞു.മുഖ്യമന്ത്രിയുടെ അഴിമതിക്കെതിരെ നിരന്തരം സംസാരിക്കുന്നത് കൊണ്ട് മുഖ്യമന്ത്രി സ്വീകരിച്ച രാഷ്ട്രീയ പകപോക്കലാണിത്.ഇതിനെ യു.ഡി. എഫ് ശക്തമായി പ്രതിരോധിക്കുമെന്നും ഹസ്സൻ പറഞ്ഞു.
മുഖ്യമന്ത്രിക്കെതിരെ ഇത്രയധികം ആരോപണങ്ങൾ പ്രതിപക്ഷനേതാവ് ഉന്നയിച്ചിട്ടും അതിനൊന്നും മറുപടി പറയാതെ പ്രതിപക്ഷ നേതാവിനെതിരെ അന്വേഷണം പ്രഖ്യാപിക്കാൻ മുഖ്യമന്ത്രിക്ക് ധാർമ്മികമായി എന്ത് അവകാശമാണ് ഉള്ളതെന്ന് അദ്ദേഹം ചോദിച്ചു.