എംഎല്‍എയും ദളിത് നേതാവുമായ ജിഗ്‌നേഷ് മേവാനിയെ അസം പോലീസ് അറസ്റ്റ് ചെയ്തു. കഴിഞ്ഞദിവസം (ബുധന്‍) രാത്രി പതിനൊന്നര മണിയോടെയാണ് ഗുജറാത്തിലെ പാലന്‍പൂരില്‍ നിന്നാണ് അറസ്റ്റ് ഉണ്ടായത്.ഗുജറാത്തിലെ വാദഗം മണ്ഡലത്തില്‍ നിന്നുള്ള എംഎല്‍എയാണ് ജിഗ്‌നേഷ് മേവാനി.
അതേസമയം ഇദ്ദേഹത്തിനെതിരെ എന്ത് കുറ്റമാണ് ചുമത്തിയത് എന്ന് വ്യക്തമാക്കാന്‍ പോലീസ് ഇതുവരെ തയ്യാറായിട്ടില്ല. എഫ്‌ഐആര്‍ ലെ വിവരങ്ങള്‍ പുറത്തുവിടാനും പോലീസ് തയ്യാറായില്ല എന്നാണ് പ്രാഥമികവിവരങ്ങള്‍.
എന്നാല്‍ പ്രധാനമന്ത്രിക്കെതിരെ ട്വീറ്റ് ഇട്ടതിന്റെ പേരിലാണ് ഇദ്ദേഹത്തെ അറസ്റ്റ് ചെയ്തത് എന്ന ആക്ഷേപം പുറത്തുവരുന്നുണ്ട്. ഗോഡ്‌സെയെ ദൈവമായി കാണുന്ന പ്രധാനമന്ത്രി ഗുജറാത്തിലെ വര്‍ഗീയ സംഘര്‍ഷങ്ങള്‍ ഇല്ലാതാക്കി സമാധാനത്തിനും സൗഹൃദത്തിനും അഭ്യര്‍ത്ഥിക്കണം എന്ന ട്വിറ്റന്റെ പേരിലാണ് ഇദ്ദേഹത്തെ അറസ്റ്റ് ചെയ്തത് എന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.