തമിഴ്‌നാട് മുഖ്യമന്ത്രി എം. കെ.സ്റ്റാലിനുമായി മുസ്ലിംലീഗ് നേതാക്കള്‍ കൂടിക്കാഴ്ച നടത്തി. ഇന്ത്യന്‍ യൂണിയന്‍ മുസ്ലിം ലീഗ് അഭിമാനകരമായ എഴുപത്തഞ്ചു വര്‍ഷങ്ങള്‍ പിന്നിട്ടിരിക്കുകയാണ്. പാര്‍ട്ടി പിറവി കൊണ്ട നഗരത്തില്‍ തന്നെയാണ് എഴുപ്പത്തഞ്ചാം വാര്‍ഷികത്തിന് വേദിയൊരുങ്ങുന്നത്. മാര്‍ച്ച് 10ന് നടക്കുന്ന മുസ്ലിം ലീഗ് പാര്‍ട്ടിയുടെ പ്ലാറ്റിനം ജൂബിലി ഉദ്ഘാടനം അദ്ദേഹം നിര്‍വ്വഹിക്കുമെന്ന് സ്റ്റാലിന്‍ നേതാക്കളെ അറിയിച്ചു. വര്‍ത്തമാന കാല ഇന്ത്യയിലെ പ്രതിപക്ഷ ഐക്യ നിരയുടെ കരുത്തായ തലൈവര്‍ സ്റ്റാലിന്റെ സാന്നിധ്യം ആഘോഷ പരിപാടികളെ പ്രൗഡവും, ആവേശഭരിതവുമാക്കുമെന്ന് മുസ്ലീം ലീഗ് നേതാവ് കുഞ്ഞാലിക്കുട്ടി ഫെയ്‌സ്ബുക്ക് പോസ്റ്റ് വഴി അറിയിച്ചു.