മുന്‍ മുഖ്യമന്ത്രി ഉമ്മന്‍ ചാണ്ടിയെ സന്ദര്‍ശിച്ച് കോണ്‍ഗ്രസ് നേതാവ് എം.കെ രാഘവന്‍. ചികിത്സക്ക് ശേഷം ബംഗളുരുവില്‍ വിശ്രമിക്കുന്ന ഉമ്മന്‍ ചാണ്ടിയെ സന്ദര്‍ശിച്ച വിവരം ഫേസ്ബുക്കിലൂടെയാണ് അദേഹം അറിയിച്ചത്. ഉമ്മന്‍ ചാണ്ടി മുന്‍പത്തേതിനേക്കാള്‍ ഉന്മേഷവാനാണ് എന്ന് അദേഹം കുറിച്ചു. പ്രതിപക്ഷ നേതാവ് വിഡി സതീശനും ഈയിടെ ഉമ്മന്‍ ചാണ്ടിയെ സന്ദര്‍ശിച്ചിരുന്നു.
എം. കെ രാഘവന്റെ ഫേസ്ബുക്ക് കുറിപ്പിന്റെ പൂര്‍ണരൂപം.
ബഹുമാന്യനായ ഉമ്മന്‍ ചാണ്ടി സാറിനെ ഇന്ന് ബാംഗ്ലൂരില്‍ സന്ദര്‍ശിച്ചു.
ചികിത്സക്ക് ശേഷം വിശ്രമിക്കുന്ന അദ്ദേഹം മുന്‍പത്തേതിനേക്കാള്‍ വളരെ ഉന്മേഷവാനാണ്. സംസാരിക്കുന്ന ശബ്ദത്തിലും, കാര്യങ്ങളിലും പഴയ ഊര്‍ജവും ആവേശവും അങ്ങനെ തന്നെ ഉണ്ട്.
പൂര്‍ണ്ണ ആരോഗ്യവാനായി കര്‍മ്മപഥത്തിലേക്ക് മടങ്ങിയെത്തട്ടെ എന്ന് നിറഞ്ഞ മനസ്സോടെ പ്രാര്‍ത്ഥിക്കുന്നു.