കായംകുളത്ത് സ്‌കൂള്‍ വിദ്യാര്‍ത്ഥിനിയെ കുളത്തില്‍ മരിച്ച നിലയില്‍ കണ്ടെത്തി. കായംകുളം സെന്റ് മേരീസ് സ്‌കൂളിലെ വിദ്യാര്‍ഥിനി അന്നപൂര്‍ണ്ണയാണ് (14) മരിച്ചത്.
കഴിഞ്ഞദിവസം രാത്രി മുതല്‍ കാണാനില്ലെന്ന പരാതിയെ തുടര്‍ന്ന് പൊലീസ് അന്വേഷണം നടത്തി വരികയായിരുന്നു. ഇന്ന് രാവിലെ ഇവിടെ കായംകുളം കൃഷ്ണപുരം സാംസ്‌കാരിക കേന്ദ്രത്തിന്റെ സമീപത്തുള്ള അതിര്‍ത്തി ചിറയില്‍ വച്ചാണ് കുട്ടിയുടെ മൃതദേഹം കണ്ടെത്തിയത്.
അമ്മയുമായി വഴക്കിട്ട് വീട്ടില്‍ നിന്ന് ഇറങ്ങിയതായിരുന്നു. സംഭവത്തില്‍ കായംകുളം പൊലീസ് അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റുമാട്ടത്തിനായി ആലപ്പുഴ മെഡിക്കല്‍ കോളേജ് ആശുപത്രിയിലേക്ക് മാറ്റി.