സ്വാമിനാഥന്‍ റിസര്‍ച്ച് ഫൗണ്ടേഷന്‍ അധ്യക്ഷന്‍ മിന സ്വാമിനാഥന്‍ (88) അന്തരിച്ചു. പ്രശസ്ത കാര്‍ഷിക ശാസ്ത്രജ്ഞന്‍ എം.എസ് സ്വാമിനാഥന്റെ ഭാര്യയായിരുന്നു മിന സ്വാമിനാഥന്‍. വാര്‍ധക്യ സഹജമായ അസുഖങ്ങളെ തുടര്‍ന്നാണ് അന്ത്യം. ചെന്നൈയിലെ വസതിയില്‍ വച്ചാണ് മരണപ്പെട്ടത്. സെന്റര്‍ ഫോര്‍ വുമണ്‍ ഡെവലപ്‌മെന്റ് സ്റ്റഡീസിന്റെ സ്ഥാപകാംഗവും വൈസ് ചെയര്‍പേഴ്‌സണും ആയിരുന്നു മിന. പ്രീസ്‌കൂള്‍ വിദ്യാഭ്യാസത്തെ പറ്റി പഠിക്കാന്‍ നിയോഗിച്ച കമ്മിറ്റിയുടെ ചെയര്‍പേഴ്‌സണ്‍ ആയി പ്രവര്‍ത്തനം നടത്തിയിട്ടുണ്ട്. ഐസിഡിഎസ് വകുപ്പ് സ്ഥാപിക്കപ്പെട്ടത് ഈ കമ്മിറ്റിയുടെ റിപ്പോര്‍ട്ടിനെ തുടര്‍ന്നാണ്.