ന്യൂഡല്‍ഹി: ഡല്‍ഹിയില്‍ ഭഗത് സിങിന്റെ പേരില്‍ സൈനിക പരിശീലന സ്‌കൂള്‍ സ്ഥാപിക്കുമെന്ന് മുഖ്യമന്ത്രി അരവിന്ദ് കെജ്‌രിവാള്‍. ഝരോദ കലാനിലെ 14 ഏക്കര്‍ സ്ഥലത്തായിരിക്കും സ്‌കൂള്‍ സ്ഥാപിക്കുക. ഫീസ് സൗജന്യമായിരിക്കും. കാമ്പസിനകത്ത് ആണ്‍കുട്ടികള്‍ക്കും പെണ്‍കുട്ടികള്‍ക്കുമായി പ്രത്യേക ഹോസ്റ്റല്‍ സൗകര്യമുണ്ടാകും. എല്ലാ ക്ലാസുകളിലും 100 സീറ്റുകള്‍ വീതം ഉണ്ടാകും. ഡല്‍ഹിയിലെ ഏതൊരു വിദ്യാര്‍ഥിക്കും 9 മുതല്‍ 11 വരെയുള്ള ക്ലാസുകളില്‍ പ്രവേശനം നേടാം. ഈ വര്‍ഷം തന്നെ ക്ലാസുകള്‍ ആരംഭിക്കും. സൈന്യത്തില്‍ നിന്ന് വിരമിച്ച ഉദ്യോഗസ്ഥരായിരിക്കും അധ്യാപകര്‍.