തുടക്കം മുതല്‍ അപശബ്ദം ഉയര്‍ന്നതിനെത്തുടര്‍ന്ന് മൈക്ക് ഒഴിവാക്കി മുഖ്യമന്ത്രി പിണറായി വിജയന്റെ വാര്‍ത്താസമ്മേളനം. അടൂരിലെ വൈറ്റ് പോര്‍ട്ടിക്കോ ഹോട്ടലില്‍ ഇന്ന് രാവിലെ ഒമ്പതരയോടെയാണ് സംഭവം.
വാര്‍ത്താസമ്മേളനം തുടങ്ങിയതുമൂലം കണക്ഷനിലെ തകരാര്‍ മൂലം മൈക്കില്‍ നിന്ന് അപശബ്ദം വരാന്‍ തുടങ്ങി. ഇടയ്ക്കിടക്ക് ശബ്ദ തടസ്സവും ഉണ്ടായി.ഇതോടെ മുഖ്യമന്ത്രിയുടെ ഭാവം മാറി. നന്നാക്കാന്‍ നോക്കിയെങ്കിലും ശരിയായില്ല. തുടര്‍ന്ന് പിണറായി തന്നെ മൈക്ക് ഓഫാക്കി വാര്‍ത്താസമ്മേളനം തുടരുകയായിരുന്നു.
രണ്ടു ദിവസം മുമ്പ് കോട്ടയത്ത് തിരഞ്ഞെടുപ്പ് പ്രാചരണത്തിനിടയിലും അദ്ദേഹം സംസാരിക്കുന്നതിനിടെ മൈക്ക് ഒടിഞ്ഞുവീണിരുന്നു. കഴിഞ്ഞ വര്‍ഷം മുഖ്യമന്ത്രി സംസാരിക്കുന്നതിനിടെ മൈക്ക് കേടായ സംഭവത്തില്‍ പൊലീസ് കേസെടുത്തത് വന്‍ വിവാദമായിരുന്നു.