മെക്‌സിക്കോയിലെ ജയിലില്‍ ആയുധധാരികളായ ആക്രമികള്‍ നടത്തിയ വെടിവെപ്പില്‍ 14 പേര്‍ കൊല്ലപ്പെട്ടു. 10 സുരക്ഷാ ഉദ്യോഗസ്ഥരും 4 തടവുകാരുമാണ് കൊല്ലപ്പെട്ടത്. 13 പേര്‍ക്ക് പരിക്കേറ്റു. 24 തടവുകാര്‍ ജയിലില്‍ നിന്ന് രക്ഷപ്പെട്ടു.
വടക്കന്‍ അതിര്‍ത്തി നഗരമായ യുവാരിസ്സിലാണ് സംഭവം നടന്നത്. കവചിത വാഹനങ്ങളില്‍ എത്തിയ ആയുധധാരികള്‍ ജയിലിനുള്ളില്‍ കടന്ന് വെടിയുതിര്‍ക്കുകയായിരുന്നു.വെടിവെപ്പിന് ശേഷം ഇവരെ പിന്തുടര്‍ന്ന പോലീസ് ഒരു വാഹനവും നാലുപേരെയും പിടികൂടിയിട്ടുണ്ട്. ഇവരെ വിശദമായി ചോദ്യം ചെയ്തുകൊണ്ടിരിക്കുകയാണ്. നിലവില്‍ ജയിലും അന്തരീക്ഷവും മെക്‌സിക്കന്‍ പോലീസിന്റെ നിയന്ത്രണത്തിലാണ്.