അബൂദാബി: ഖത്തര്‍ ലോകകപ്പില്‍ കപ്പെടുക്കാന്‍ മെസ്സിയും കൂട്ടരും അബൂദാബിയിലെത്തി. ഡി. പോള്‍, മൊളിന, ജിറോണിമോ റുള്ളി, ജുവാന്‍ ഫോയ്ത്, ജൂലിയന്‍ അല്‍വാരസ് എന്നിവര്‍ക്കൊപ്പമാണ് അബൂദാബിയില്‍ പറന്നിറങ്ങിയത്. ടീമിലെ മറ്റ് അംഗങ്ങള്‍ നേരത്തേ എത്തി പരിശീലനത്തിലാണ്.
തിങ്കളാഴ്ച രാത്രി അബൂദാബിയിലെ അല്‍ നഹ്‌യാന്‍ സ്റ്റേഡിയത്തില്‍ മെസ്സിയും സംഘവും പരീശീലനത്തിനിറങ്ങും. കാണികള്‍ക്കും ആരാധകര്‍ക്കും ടിക്കറ്റെടുത്ത് പരിശീലനം കാണാന്‍ അവസരമുണ്ടാകും. 16 ന് മുഹമ്മദ് ബിന്‍ സായിദ് സ്റ്റേഡിയത്തില്‍ യുഎഇ ടീമുമായുള്ള പരിശീലന മത്സരത്തിന് ശേഷം ടീം ഖത്തറിലേക്ക് പാറും.