ട്രെയിന്‍ യാത്രക്കാരിയായ മെഡിക്കല്‍ വിദ്യാര്‍ഥിക്ക് നേരെ ലൈംഗിക അതിക്രമം ഉണ്ടായതായി പരാതി. ചെന്നൈയില്‍നിന്ന് മംഗലാപുരത്തേക്ക് പോവുകയായിരുന്നു ചെന്നൈ- മംഗളൂരു എക്‌സ്പ്രസ് ട്രെയിനില്‍ വെച്ചാണ് അതിക്രമം നടന്നത്. പ്രതിയാണെന്ന് സംശയിക്കുന്ന ആളുടെ ചിത്രം പൊലീസ് പുറത്തുവിട്ടു.
തലശ്ശേരിയില്‍ നിന്നാണ് പ്രതി കയറിയത്. നീലേശ്വരത്ത് പ്രതി ഇറങ്ങുകയും ചെയ്തു. സംഭവം വിദ്യാര്‍ഥിനി റെയില്‍വേ പൊലീസിനെ അറിയിച്ചു. വിദ്യാര്‍ഥിനിയുടെ പരാതിയില്‍ കാസര്‍കോട് റെയില്‍വേ പൊലീസ് ആണ് കേസ് രജിസ്റ്റര്‍ ചെയ്തത്.