പാലക്കാട് ചെര്‍പ്പുളശേരിയിലെ റോയല്‍ എജുക്കേഷണല്‍ ട്രസ്റ്റിന്റെ മെഡിക്കല്‍ കോളജിന് അനിവാര്യത(എസന്‍ഷ്യാലിറ്റി )സര്‍ട്ടിഫിക്കറ്റ് നല്‍കിയതിനെതിരെ വാളയാറിലെ വി.എന്‍ പബ്‌ളിക് ഹെല്‍ത്ത് ട്രസ്റ്റ് നല്‍കിയ പരാതിയില്‍ സുപ്രീംകോടതി സംസ്ഥാനസര്‍ക്കാരില്‍നിന്ന് വിശദീകരണം തേടി.
കെ.കെ ശൈലജ ആരോഗ്യമന്ത്രിയായിരിക്കെയാണ് പരിശോധന പോലും നടത്താതെ ചെര്‍പ്പുളശേരിയിലെ മെഡി. കോളജിന് സര്‍ക്കാര്‍ സര്‍ട്ടിഫിക്കറ്റ് നല്‍കിയത്. എന്നാല്‍ തങ്ങള്‍ ആവശ്യപ്പെട്ടപ്പോള്‍ പുതിയ മെഡിക്കല്‍ കോളജുകള്‍ അനുവദിക്കില്ലെന്ന് കാട്ടി സാക്ഷ്യപത്രം നിഷേധിക്കുകയായിരുന്നുവെന്നാണ് ഹര്‍ജിയില്‍ പറയുന്നത്.
ഇതോടെ ശൈലജയും സി.പി.എമ്മും മറുപടി പറയേണ്ട അവസ്ഥയാണ്.