മാരക മയക്കുമരുന്നായ എം.ഡി.എം.എയുമായി മലയാളി യുവാവ് മംഗളൂരുവില്‍ പിടിയിലായി. കാസര്‍കോട് ചേര്‍ക്കള സ്വദേശി അബ്ദുല്ലയാണ്(39) പിടിയിലായത്. ബംഗളൂരില്‍ നിന്ന് 7.5 ലക്ഷം വിലമതിക്കുന്ന എം.ഡി.എം.എയുമായി മംഗളൂരുവിലെത്തിയ യുവാവിനെ പൊലീസ് രഹസ്യ വിവരത്തിന്റെ അടിസ്ഥാനത്തില്‍ പിടികൂടുകയായിരുന്നു.
മയക്കുമരുന്നിന് പുറമെ, ഇയാള്‍ സഞ്ചരിച്ച കാര്‍ ഉപയോഗിച്ച ഫോണ്‍, 1260 രൂപ എന്നിവയും പിടിച്ചെടുത്തു. അബ്ദുല്ലക്കെതിരെ മുമ്പും സമാനമായ കേസുണ്ട്. 45 കിലോ കഞ്ചാവ് കടത്തിയതിന് ആന്ധ്ര വിശാഖപട്ടണത്തും മയക്കുമരുന്ന് ഉപയോഗിച്ചതിന് കാസര്‍ഗോഡ് വിദ്യാ നഗര്‍ പൊലീസ് സ്റ്റേഷനിലും കേസുണ്ട്.