പൊലീസിന്റെ വാഹന പരിശോധനയ്ക്കിടെ 62ഗ്രാം എംഡിഎംഎയുമായി അറസ്റ്റിലായത് മോഡലും ഇന്‍സ്റ്റഗ്രാം താരവുമായ യുവതിയെന്ന് പൊലീസ്. കഴിഞ്ഞ ദിവസമാണ് തൃശ്ശൂര്‍ മുകുന്ദപുരം വളിവടട്ടം ഇടവഴിക്കല്‍ വീട്ടില്‍ ഷെമീന (31 ), സുഹൃത്ത് ഇടശ്ശേരി തളിക്കുളം അറക്കല്‍ വീട്ടില്‍ മുഹമ്മദ് റിയാസ് (31) എന്നിവര്‍ അറസ്റ്റിലാകുന്നത്. പാലക്കാട് വെച്ച് നടത്തിയ പരിശോധനയിലാണ് ഇവര്‍ സഞ്ചരിച്ചിരുന്ന ജീപ്പില്‍ നിന്നും മയക്കുമരുന്ന് കണ്ടെത്തിയത്. ബംഗളൂരുവില്‍ നിന്ന് വരികയായിരുന്നു ഇരുവരും.
കൊച്ചിയിലെ റിസോര്‍ട്ട് കേന്ദ്രീകരിച്ച് മോഡലുകളും സാമൂഹ്യ മാധ്യമ കൂട്ടായ്മയിലെ താരങ്ങളും നടത്തിയ പാര്‍ട്ടിയിലേക്കാണ് ഇവര്‍ ലഹരി കൊണ്ടുപോയത് എന്നാണ് പൊലീസ് പറയുന്നത്. കൊടുങ്ങല്ലൂര്‍,തിരുവമ്പാടി പൊലീസ് സ്റ്റേഷനുകളില്‍ ഹണി ട്രാപ്പ് കേസിലും പ്രതിയാണ് ഷമീന. മുഹമ്മദ് റിയാസ് ഐ ടി പ്രൊഫഷണലാണ്. കഴിഞ്ഞമാസമാണ് ഇയാള്‍ ദുബായിലെ ജോലി ഉപേക്ഷിച്ച് നാട്ടിലെത്തിയത്. ഇരുവരെയും റിമാന്‍ഡ് ചെയ്തു.