ഇന്ത്യന്‍ വംശജനായ യാക്കൂബ് പട്ടേല്‍ വടക്കന്‍ ഇംഗ്ലണ്ടിലെ ലങ്കാഷെയര്‍ കൗണ്ടിയിലുള്ള പ്രെസ്റ്റന്‍ നഗരത്തിലെ പുതിയ മേയറായി ചുമലതയേറ്റു. ഗുജറാത്തിലെ ബറൂച്ച് ജില്ലയില്‍ ജനിച്ച ഇദ്ദേഹം 1976ല്‍ ബറോഡ സര്‍വകലാശാലയില്‍ നിന്ന് ബിരുദം നേടിയ ശേഷമാണ് യു.കെയിലേക്ക് പോയത്.
1955ല്‍ നഗരത്തിലെ അവെന്‍ഹാം വാര്‍ഡിലേക്കുള്ള ലേബര്‍ പാര്‍ട്ടി കൗണ്‍സിലറായി പട്ടേലിനെ തിരഞ്ഞെടുക്കപ്പെട്ടു. പ്രെസ്റ്റന്‍ സിറ്റി കൗണ്‍സിലിന്റെ ചരിത്രത്തിലെ ആദ്യ മുസ്‌ലിം കൗണ്‍സിലറായിരുന്നു അദ്ദേഹം.
കഴിഞ്ഞ മെയ് മുതല്‍ ഡെപ്യൂട്ടി മേയറായി സേവനമനുഷ്ഠിച്ച് വരുകയായിരുന്നു. പ്രെസ്റ്റന്‍ ജമിയ മസ്ജിദിന്റെയും പ്രെസ്റ്റണ്‍ മുസ്‌ലിം ബറിയല്‍ സൊസൈറ്റയുടെയും കോ ഓപ്റ്റഡ് അംഗമായി അദ്ദേഹം പ്രവര്‍ത്തിച്ചു വരുന്നു.