ആള്‍ ഇന്ത്യ മുസ്ലിം പേഴ്സണല്‍ ലോ ബോര്‍ഡ് അധ്യക്ഷന്‍ മൗലാന റാബി ഹസനി നദ്വിയുടെ വിയോഗം വേദനിപ്പിക്കുന്നതാണെന്ന് അബ്ദുല്‍ വഹാബ് എംപി. ലോകത്തെ ഏറ്റവും സ്വാധീനിച്ച മുസ്ലിം പണ്ഡിതന്മാരില്‍ ഒരാളാണ് റാബി ഹസനി നദ്വി.
നിലമ്പൂരിലെ എന്റെ വീട്ടില്‍ സന്ദര്‍ശനം നടത്തിയ അദ്ദേഹത്തെ സ്വീകരിക്കാനും സല്‍ക്കരിക്കാനുമുള്ള ഭാഗ്യം ഒരിക്കല്‍ ഉണ്ടായിട്ടുണ്ട്. മഹാപണ്ഡിതനായ അദ്ദേഹത്തിന്റെ ലാളിത്യം എന്നെ അത്ഭുതപ്പെടുത്തി. പതിറ്റാണ്ടുകളോളം രാജ്യത്തെ മത, വൈജ്ഞാനിക രംഗത്ത് നിറഞ്ഞുനിന്ന മാതൃകാ വ്യക്തിത്വമായിരുന്നു അദ്ദേഹം. നാഥന്‍ സ്വര്‍ഗത്തില്‍ ഉന്നത പദവികള്‍ നല്‍കി അനുഗ്രഹിക്കട്ടെ അദ്ദേഹം അനുസ്മരിച്ചു.