സൗദിയില്‍ കോവിഡ് മുക്തരുടെ എണ്ണത്തില്‍ വന്‍ വര്‍ധനവ് രേഖപ്പെടുത്തി. അയ്യായിരത്തോളം പേര്‍ക്കാണ് ഇന്ന് രോഗം ഭേദമായത്. കഴിഞ്ഞ 24 മണിക്കൂറിനിടെ രാജ്യത്ത് രണ്ട് ലക്ഷത്തിലധികം പേര്‍ക്കാണ് കോവിഡ് പരിശോധന നടത്തിയത്. തുടര്‍ന്ന് 5,928 പേര്‍ക്ക് കൊവിഡ് ബാധ സ്ഥിരീകരിച്ചു. ആയിരത്തില്‍ താഴെ പേര്‍ മാത്രമാണ് രോഗം സ്ഥിരീകരിച്ചതിനെ തുടര്‍ന്ന് ഇന്ന് ആശുപത്രികളില്‍ ചികിത്സ തേടിയത്. ഇതോടെ രാജ്യത്ത് നിലവില്‍ 45012 പേരാണ് ചികിത്സയിലുള്ളത്. ഇതില്‍ 492 പേര്‍ ഗുരുതരാവസ്ഥയില്‍ തുടരുകയാണ്.