ലോക വനിതാ ബോക്‌സിങ് ചാമ്പ്യന്‍ഷിപ്പില്‍ ഇന്ത്യന്‍ താരം മേരി കോം ക്വാര്‍ട്ടറില്‍ കടന്നു. ആറ് തവണ ചാമ്പ്യനായിട്ടുള്ള മേരി കോം 51 കിലോഗ്രാം വിഭാഗത്തിലാണ് മത്സരിച്ചത്. പ്രീക്വാര്‍ട്ടറില്‍ തായ്‌ലന്‍ഡ് താരം ജിറ്റപോങ്ങിനെയാണ് മേരി കോം പരാജയപ്പെടുത്തിയത്. സ്‌കോര്‍ 5-0.
മത്സരത്തിന്റെ തുടക്കം മുതല്‍ ആധിപത്യം മേരി കോം നേടിയിരുന്നെങ്കിലും ശക്തമായ ചെറുത്തുനില്‍പ്പാണ് ജിറ്റ്‌പോങ്ങ് നടത്തിയത്. 51 കിലോഗ്രാം വിഭാഗത്തില്‍ മേരി കോം ആദ്യമായാണ് കിരീടം ലക്ഷ്യം വെക്കുന്നത്.