കേന്ദ്രമന്ത്രി അമിത് ഷായുടെ പ്രസ്താവനയിൽ പ്രതിഷേധിച്ച് മണിപ്പൂർ നിയമസഭാ സമ്മേളനത്തിൽ നിന്നും വിട്ടുനിൽക്കാൻ കുക്കി എംഎൽഎ മാരുടെ തീരുമാനം.ഗോത്രവിഭാഗക്കാരായ കുക്കികൾക്കെതിരെ പ്രകോപനപരമായ പരാമർശങ്ങൾ ആഭ്യന്തര മന്ത്രി അമിത് ഷാ നടത്തി എന്നാണ് ആരോപണം. കുക്കികളാണ്‌ സംഘർഷത്തിനും കലാപത്തിനും പിന്നിലെന്ന മെയ്‌ത്തീ വിഭാഗത്തിന്റെ ആക്ഷേപം ശരിവയ്‌ക്കുന്ന തരത്തിലുള്ള ഏകപക്ഷീയ പരാമർശമാണ്‌ അമിത് ഷാ നടത്തിയത് എന്നാണ് വിമർശനം ഉയർന്നിരിക്കുന്നത്.രാഷ്ട്രപതി ഭരണം ഏർപ്പെടുത്തണമെന്ന കുക്കി വിഭാഗത്തിന്റെ ആവശ്യം നിരസിച്ചതിലും കുക്കി വിഭാഗത്തിന് നീരസമുണ്ട്.