മണിപ്പുരിൽ വീണ്ടും സംഘർഷം ; കൊല്ലപ്പെട്ട 3 പേരുടെ മൃതദേഹങ്ങൾ വികൃതമാക്കി

മണിപ്പൂരിലെ ഉക്രുൾ ജില്ലയിലെ തൗവായ്‌ ഗ്രാമത്തിൽ വെള്ളിയാഴ്‌ച ഉണ്ടായ വെടിവയ്‌പിൽ മൂന്നുപേർ കൊല്ലപ്പെട്ടു.പുലർച്ചെ ഗ്രാമത്തിന്റെ കിഴക്കു മാറിയുള്ള കുന്നുകളിൽ നിന്നെത്തിയ ആയുധധാരികൾ വെടിയുതിർക്കുകയായിരുന്നു. ഇവരെ പ്രതിരോധിക്കാൻ ശ്രമിച്ച വില്ലേജ്‌ വളന്റിയർമാരാണ്‌ കൊല്ലപ്പെട്ട മൂന്നുപേരും. മൂർച്ചയേറിയ കത്തിയുപയോഗിച്ച്‌ വികൃതമാക്കപ്പെട്ട നിലയിലായിരുന്നു മൃതദേഹങ്ങളെന്ന് പോലീസ് പറഞ്ഞു.മണിപ്പുരിൽ സ്ഥിതിഗതികൾ മെച്ചപ്പെട്ടുവെന്ന്‌ സ്വാതന്ത്ര്യദിന പ്രസംഗത്തിൽ പ്രധാനമന്ത്രി നരേന്ദ്ര മോദി അവകാശപ്പെട്ടതിനു പിന്നാലെയാണ്‌ വീണ്ടും ഏറ്റുമുട്ടലുകൾ റിപ്പോർട്ട് ചെയ്തിരിക്കുന്നത്.