കോട്ടയം: കാഞ്ഞിരപ്പള്ളിയില്‍ പോലീസുകാരന്‍ മാങ്ങ മോഷ്ടിച്ച കേസില്‍ ഒത്തുതീര്‍പ്പാക്കാന്‍ കോടതി അനുമതി. കടയുടമ നല്‍കിയ അപേക്ഷ പരിഗണിച്ചാണ് കോടതി അനുമതി നല്‍കിയത്. കാഞ്ഞിരപ്പള്ളി ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് നസീബ് അബ്ദുല്‍ റസാഖാണ് ഉത്തരവ് നല്‍കിയത്.
പഴക്കട വ്യാപാരിക്കുണ്ടായ നഷ്ടം പ്രതിയായ പോലീസ് പരിഹരിച്ചെന്നും അതിനാല്‍ കേസുമായി മുന്നോട്ട് പോകാന്‍ താല്‍പര്യമില്ലെന്നും കാണിച്ച് പരാതിക്കാരന്‍ കോടതിയെ സമീപിച്ചിരുന്നു. ഇതേതുടര്‍ന്നുണ്ടായ വാദത്തിന് ശേഷമാണ് കേസ് ഒത്തുതീര്‍പ്പാക്കാന്‍ കോടതി ഉത്തരവിട്ടത്.