ലണ്ടന്‍: ഫലസ്തീന് ജനതയുടെ വിമോചന പോരാട്ടത്തിന് പിന്തുണ പ്രഖ്യാപിച്ച് നെല്‍സണ്‍ മണ്ടേലയുടെ ചെറുമകനും ദക്ഷിണാഫ്രിക്കന്‍ എം.പിയുമായ കോസി മണ്ടേല. ഫലസ്തീന് ജനതയുടെ പോരാട്ടത്തെ പിന്തുണക്കേണ്ടത് നമ്മുടെ ധാര്‍മ്മിക ബാധ്യതയാണെന്ന് അദ്ദേഹം പറഞ്ഞു. ലണ്ടനില്‍ ഫലസ്തീന് എക്‌സ്‌പോയില്‍ സംസാരിക്കുകയായിരുന്നു അദ്ദേഹം.
എക്‌സ്‌പോ സംഘടിപ്പിക്കുന്നത് തടസപ്പെടുത്താന്‍ ശ്രമിച്ച ഇസ്രായേല്‍ അനുകൂല സംഘടനയായ യു.കെ ലോയേര്‍സ് ഫോര്‍ ഇസ്രായേലിനേയും കോസി മണ്ടേല വിമര്‍ശിച്ചു. മാനവികതക്കെതിരായ കുറ്റകൃത്യകളെ സംരക്ഷിക്കുന്നവരെന്നാണ് അദ്ദേഹം ഈ സംഘടനയെ വിശേഷിപ്പിച്ചത്.