കരബാവോ കപ്പില്‍ മാഞ്ചസ്റ്റര്‍ സിറ്റിയെ തകര്‍ത്ത് ടോട്ടന്‍ഹാം ക്വാര്‍ട്ടറിലേക്ക്. അതേസമയം മാഞ്ചസ്റ്റര്‍ യുണൈറ്റഡ് തകര്‍പ്പന്‍ വിജയം. രണ്ടിനെതിരെ അഞ്ച് ഗോളുകള്‍ക്കാണ് മാഞ്ചസ്റ്റര്‍ യുണൈറ്റഡ് ലെസ്റ്റര്‍ സിറ്റിയെ പരാജയപ്പെടുത്തിയത്. എന്നാല്‍ ചെല്‍സിയെ തകര്‍ത്തായിരുന്നു ന്യൂകാസിലിന്റെ ക്വാര്‍ട്ടര്‍ പ്രവേശം.
ഒന്നിനെതിരെ രണ്ട് ഗോളുകള്‍ക്കാണ് ടോട്ടന്‍ഹാം ക്വാര്‍ട്ടറില്‍ എത്തിയത്. ടോട്ടന്‍ഹാമിനു വേണ്ടി തിമോ വെര്‍ണറും മതാര്‍ സാറും ഗോള്‍ നേടി. എതിരില്ലാത്ത രണ്ട് ഗോളിന് ചെല്‍സിയെ ന്യൂകാസില്‍ തരിപ്പണമാക്കുകയായിരുന്നു. അലക്സാണ്ടര്‍ ഇസാഖും അക്സല്‍ ഡിസാസിയുമാണ് ന്യൂകാസിലിനായി ഗോള്‍ സ്വന്തമാക്കിയത്.
അതേസമയം യുണൈറ്റഡില്‍ കസമിറോയും ബ്രൂണോ ഫെര്‍ണാണ്ടസും ഇരട്ട ഗോള്‍ നേടി. ഗേര്‍ണാച്ചോയുടെ വകയായിരുന്നു ബാക്കി ഗോള്‍.
ക്വാര്‍ട്ടറില്‍ മാഞ്ചസ്റ്റര്‍ യുണൈറ്റഡ് ടോട്ടന്‍ഹാമിനേയും ആഴ്സണല്‍ ക്രിസ്റ്റല്‍ പാലസിനേയും നേരിടും. ബ്രെന്റ് ഫോര്‍ഡാണ് ന്യൂകാസിലിന്റെ എതിരാളികള്‍. ലിവര്‍പൂള്‍ സതാംപ്ടണെ നേരിടും.