കടിച്ച പാമ്പിനെ തിരിച്ച് കടിച്ച പാമ്പിനോടുള്ള ദേഷ്യം തീര്‍ക്കാന്‍ അതിനെ കടിച്ചു മുറിച്ച് കഷണങ്ങളാക്കിയിരുക്കുകയാണ് ഉത്തര്‍ പ്രദേശിലെ രാജ് കുമാര്‍. എന്നാല്‍ പാമ്പുകടിയേറ്റ് ഗുരുതരാവസ്ഥയിലായ ഇയാള്‍ ചികിത്സയിലാണ്.
വീട്ടിനുള്ളില്‍ നിന്നാണ് പാമ്പ് രാജ്കുമാറിനെ കടിച്ചത്. മദ്യലഹരിയിലായിരുന്ന ഇയാള്‍ പാമ്പിനെ പിടികൂടി കടിച്ച് മുറിക്കുകയായിരുന്നുവെന്ന് ഇയാളുടെ പിതാവ് ബാബു റാം പറഞ്ഞു.
ആശുപത്രിയിലെത്തിച്ച രാജ്കുമാര്‍ നടന്ന സംഭവം വിശദീകരിച്ചെങ്കിലും ആരും വിശ്വസിച്ചില്ല. തുടര്‍ന്ന് വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് ഇയാളെ മാറ്റുകയായിരുന്നു.