നേമം: കാറിന്റെ പിന്‍വശത്തെ ഗ്ലാസ് തകര്‍ത്ത് ലാപ്‌ടോപ്പ് കവര്‍ന്നയാളെ തിരുച്ചിറപ്പള്ളിയില്‍ നിന്ന് പൊലീസ് പിടികൂടി. തമിഴ്‌നാട് സ്വദേശി മുനിച്ചാമിയെയാണ് പ്രത്യക അന്വേഷണസംഘം പിടികൂടിയത്.
വെങ്ങാനൂര്‍ അഴകുളം സ്വദേശി ജോസ് പ്രകാശിന്റെ ഉടമസ്ഥയിലുള്ള കാറിനുള്ളില്‍ സൂക്ഷിച്ച ലാപ്‌ടോപ്പാണ് മോഷണം പോയത്. മെയ് രണ്ടിന് രാവിലെ 10:30 നായിരുന്നു സംഭവം.
കിള്ളിപ്പാലത്തെ ബാങ്കിന് സമീപമാണ് കാര്‍ നിര്‍ത്തിയിട്ടിരുന്നത്. സമാനമായ മോഷണം തമ്പാനൂര്‍ ഭാഗത്തും ഇയാല്‍ നടത്തിയിരുന്നു. സിസിടിവി ദൃശ്യങ്ങളുടെ അടിസ്ഥാനത്തിലായിരുന്നു അന്വേഷണം പുരോഗമിച്ചത്. തിരുവനന്തപുരം നഗരത്തിലെ മറ്റു സ്റ്റേഷനുകളില്‍ ഇയാള്‍ക്കെതിരെ കേസുകള്‍ ഉള്ളതായാണ് സൂചന.