കൊച്ചി: മലയാറ്റൂര്‍ കുരിശുമുടിയില്‍ വൈദികനെ കപ്യാര്‍ കുത്തിക്കൊന്നു. മലയാറ്റൂര്‍ കുരിശുമുടി റെക്ടര്‍ ഫാ. സേവ്യര്‍ തേലക്കാട്ട് (52) ആണ് കൊല്ലപ്പെട്ടത്. ഇന്ന് ഉച്ചക്ക് പന്ത്രണ്ടോടെ കുരിശുമലയിലെ ആറാം സ്ഥലത്ത് മലമുകളിലേക്കുള്ള യാത്രക്കിടെയാണ് സംഭവം. ഇടതു കാലിലും തുടയിലുമാണു കുത്തേറ്റത്. അങ്കമാലി ലിറ്റില്‍ ഫല്‍വര്‍ ആസ്പത്രിയിലെത്തിച്ചിച്ചെങ്കിലും ജീവന്‍ രക്ഷിക്കാനായില്ല.
രക്തം വാര്‍ന്നാണു മരണം സംഭവിച്ചതെന്നാണു പ്രാഥമിക വിവരം. സംഭവത്തിന് ശേഷം വനത്തിലേക്ക് ഓടി രക്ഷപ്പെട്ട കപ്യാര്‍ ജോണിക്കായി പൊലീസ് തെരച്ചില്‍ നടത്തുകയാണ്. ഈസ്റ്റ് ചേരാനല്ലൂര്‍ ഇടവകാംഗമാണ് മരിച്ച വൈദികന്‍. 1993 ഡിസംബര്‍ 27നായിരുന്നു പൗരോഹിത്യ സ്വീകരണം. എല്‍എല്‍ബി ബിരുദധാരിയാണ്. ചില പ്രശ്‌നങ്ങളെത്തുടര്‍ന്ന് മൂന്നു മാസം മുമ്പ് ജോണിയെ ജോലിയില്‍ നിന്നും പിരിച്ചു വിട്ടിരുന്നു. ഇതിന്റെ പ്രതീകാരമാണ് വൈദികന്റെ കൊലക്കു പിന്നില്‍ എന്നാണ് നിഗമനം.