2025 ബ്രിട്ടീഷ് പാര്‍ലമെന്റ് തെരഞ്ഞെടുപ്പില്‍ മത്സരിക്കാന്‍ ലേബര്‍ പാര്‍ട്ടി സ്ഥാനാര്‍ത്ഥിയായി മലയാളി വനിതയും. തിരുവനന്തപുരം സ്വദേശിയായ മജ്ഞു ഷാഹുല്‍ ഹമീദാണ് തെരഞ്ഞെടുപ്പില്‍ ബാരോ ആന്റ് ഫര്‍നസ് മണ്ഡലത്തില്‍ നിന്ന് മത്സരിക്കുന്നത്.
മജ്ഞു ഇപ്പോള്‍ യുകെയിലെ ക്രോയ്ഡണിലാണ് താമസിക്കുന്നത്. ട്രിസ് ബ്രൗണ്‍, മിഷേല്‍ സ്‌കോഗ്രാം, ക്രിസ് ആള്‍ട്രി, എറിക്ക ലൂയിസ്, മജ്ഞു ഷാഹുല്‍ ഹമീദ് എന്നീ പേരുകളാണ് പ്രാദേശീക ലേബര്‍ പാര്‍ട്ടി പ്രഖ്യാപിച്ചത്. ലണ്ടന്‍ ബറോ ഓഫ് ക്രോയ്ഡണില്‍ നിന്നുള്ള കൗണ്‍സിലറാണ് മജ്ഞു. 1996ലാണ് ഇന്ത്യയില്‍ നിന്നും ബ്രിട്ടണിലെത്തിയത്. 2014-2015 കാലയളവില്‍ ക്രോയ്‌ഡോണിന്റെ മേയര്‍ പദവിയും ഇവര്‍ വഹിച്ചിട്ടുണ്ട്.