മലയാളി വ്‌ലോഗര്‍ റിഫ മെഹ്നുവിനെ ദുബൈയില്‍ താമസസ്ഥലത്ത് മരിച്ചനിലയില്‍ കണ്ടെത്തി. 20 വയസായിരുന്നു. കോഴിക്കോട് ബാലുശ്ശേരി സ്വദേശിനിയാണ് റിഫ. ഇന്ന് പുലര്‍ച്ചെ ദുബൈ ജാഫിലിയയിലെ താമസ സ്ഥലത്താണ് മരിച്ച നിലയില്‍ കണ്ടെത്തിയത്.
റിഫ മെഹ്നൂസ് എന്ന പേരിലാണ് റിഫ വ്‌ലോഗിങ് രംഗത്ത് സജീവമായിരുന്നത്. ഭര്‍ത്താവ് മെഹ്നാസിനൊപ്പം കുറച്ച് ദിവസങ്ങള്‍ക്ക് മുന്‍പ് മാത്രമാണ് റിഫ ദുബൈയിലെത്തിയത്. സോഷ്യല്‍ മീഡിയയില്‍ തിങ്കളാഴ്ച രാത്രി വരെ സജീവമായിരുന്നു. മൃതദേഹം നാട്ടിലെത്തിക്കാനുള്ള നടപടികള്‍ പുരോഗമിക്കുന്നുണ്ട്.