മലപ്പുറത്തും കുന്ദംകുളത്തും ഉണ്ടായ ബൈക്കപകടങ്ങളിൽ രണ്ട് യുവാക്കൾ മരിച്ചു.ഇന്നോവ കാറും ബൈക്കും കൂട്ടിയിടിച്ചാണ് മലപ്പുറത്ത് യുവാവ് മരിച്ചത് . മലപ്പുറം കെ.എന്‍.ജി റോഡില്‍ ചുങ്കത്തറ എടമല വളവിലാണ് അപകടം ഉണ്ടായത്. ബൈക്ക് യാത്രികനായ എടക്കര മുപ്പിനി സ്വദേശി റെന്‍സന്‍ ( 19 ) ആണ് മരിച്ചത്. തൃശൂര്‍ കുന്നംകുളത്ത് നിയന്ത്രണം വിട്ട ബൈക്ക് മതിലില്‍ ഇടിച്ച് യുവാവ് മരിച്ചു. മരത്തംകോട് എ.കെ.ജി. നഗറില്‍ താമസിക്കുന്ന കല്ലായി വീട്ടില്‍ പരേതനായ ചന്ദ്രന്റെ മകന്‍ വിജീഷാണ് (27) മരിച്ചത്. കുന്നംകുളം ചൊവ്വന്നൂരില്‍ കൊടുവായൂര്‍ ക്ഷേത്രം റോഡിലാണ് അപകടമുണ്ടായത്.