മലപ്പുറം ജില്ലയിലെ ഉപതെരഞ്ഞെടുപ്പ് നടന്ന തദ്ദേശവാര്‍ഡുകളില്‍ എല്ലാം യു.ഡി.എഫ് വിജയിച്ചു. എ ആര്‍ നഗര്‍ പഞ്ചായത്തിലെ ഏഴാം വാര്‍ഡ് കുന്നുംപുറത്ത് യുഡിഎഫ് പാലമഠത്തില്‍ കോഴിശേരി ഫിര്‍ദൗസ് വിജയിച്ചു. യുഡിഎഫ് 908-, എല്‍ഡിഎഫ് 238, ബിജെപി- 55 വോട്ടും നേടി.
തിരുന്നാവായ പഞ്ചായത്തിലെ 14-ാം വാര്‍ഡ് അഴകത്തുകളത്ത് യുഡിഎഫ് സ്ഥാനാര്‍ഥി കളരിക്കല്‍ സോളമന്‍ വിക്ടര്‍ദാസ് വിജയിച്ചു. യുഡിഎഫ് വിമതനായി മത്സരിച്ച് വിജയിച്ച അബ്ദുല്‍ലത്തീഫിന്റെ നിര്യാണത്തെ തുടര്‍ന്നായിരുന്നു ഉപതെരഞ്ഞെടുപ്പ്. യുഡിഎഫ് – 607, എല്‍ഡിഎഫ് – 464 , ബിജെപി-69, എസ്ഡിപിഐ- 51 വോട്ടും നേടി.
ഊരകം പഞ്ചായത്തിലെ അഞ്ചാംവാര്‍ഡ് കൊടലികുണ്ടില്‍ യുഡിഎഫ് സ്ഥാനാര്‍ഥി കരിമ്പന്‍ സമീറ വിജയിച്ചു. യുഡിഎഫ്- 639 , എല്‍ഡിഎഫ് 286, എസ്ഡിപിഐ- 27വോട്ടും നേടി.