ജനസാഗരമായി മലപ്പുറം;ടൗൺഹാളിൽ പൊതുദർശനം തുടങ്ങി

പാണക്കാട് സയ്യിദ് ഹൈദരലി ശിഹാബ് തങ്ങളുടെ പൊതുദർശനം മലപ്പുറം ടൗൺ ഹാളിൽ തുടങ്ങി. പതിനായിരക്കണക്കിന് ജനങ്ങളാണ് തങ്ങളെ ഒരുനോക്ക് കാണാൻ മലപ്പുറം ടൗൺ ഹാളിൽ എത്തിയിട്ടുള്ളത്.മയ്യിത്ത് നിസ്കാരത്തിന് ടൗൺ ഹാളിൽ സൗകര്യമൊരുക്കിയിട്ടുണ്ട്.

നേരത്തെ ജനാസ പാണക്കാട് തങ്ങളുടെ വീട്ടിൽ എത്തിച്ചിരുന്നു. അവിടെ ബന്ധുക്കൾക്കും മറ്റും കുറഞ്ഞ സമയം ദർശനത്തിനും മയ്യത്ത് നമസ്കാരത്തിനും അവസരം നൽകിയിരുന്നു. അതിനുശേഷമാണ് മലപ്പുറം ടൗൺഹാളിൽ എത്തിച്ചത്.

രാഷ്ട്രീയ സാമൂഹ്യ സാംസ്കാരിക രംഗത്തെ നിരവധി നേതാക്കൾ നിലവിൽ ഇവിടെ എത്തുന്നുണ്ട്. പണ്ഡിതന്മാരുടെ നേതൃത്വത്തിൽ മയ്യത്ത് നമസ്ക്കാരവും പുരോഗമിക്കുന്നു.

കോൺഗ്രസ് നേതാവ് രാഹുൽ ഗാന്ധി നാളെ ആദരാഞ്ജലികൾ അർപ്പിക്കാൻ എത്തും.

നാളെ രാവിലെ 9 മണിയോടുകൂടി പാണക്കാട് ജുമാ മസ്ജിദിൽ ജനാസ മറവ് ചെയ്യും.