തിരുവനന്തപുരം: മലപ്പുറം ജില്ലാസഹകരണബാങ്ക് കേരളബാങ്കുമായി ലയിപ്പിക്കാന്‍ റിസര്‍വ് ബാങ്ക് അനുമതി നല്‍കിയോ എന്ന ചോദ്യത്തിന് വ്യക്തമായ മറുപടി നല്‍കാതെ സഹകരണവകുപ്പ് മന്ത്രി. നിയമസഭയിലെ ചോദ്യോത്തരവേളയില്‍ യു.എ ലത്തീഫ് എം.എല്‍.എ വാങ്മൂലം ഉന്നയിച്ച ചോദ്യത്തിനാണ് മന്ത്രി വി.എന്‍ വാസവന്‍ അവിടെയും ഇവിടെയും തൊടാത്ത മറുപടി നല്‍കിയത്.
ബാങ്കിംഗ് റെഗുലേഷന്‍ നിയമം 44 എ വകുപ്പ് അനുസരിച്ചുള്ള അനുമതി ലഭിച്ചിരുന്നോ എന്ന ചോദ്യമാണ് എം.എല്‍.എ ഉന്നയിച്ചത്. ലയനത്തിന് എതിരായ ഹര്‍ജിയില്‍ ഹൈക്കോടതിയും സുപ്രിം കോടതിയും സര്‍ക്കാര്‍ നിലപാട് ശരിവെച്ചു എന്നു പറഞ്ഞ മന്ത്രി, ആര്‍.ബി.ഐ അനുമതിയെ കുറിച്ച് ഒന്നും മിണ്ടിയില്ല. സഹകരണമേഖലയില്‍ നിലനിര്‍ത്തിയാണ് കേരളബാങ്ക് രൂപീകരണത്തിന് ആര്‍.ബി.ഐ അനുമതി നല്‍കിയെന്നും മന്ത്രി ചൂണ്ടിക്കാട്ടി.