പ്രധാനമന്ത്രി നരേന്ദ്ര മോദിയുടെ മന്‍ കി ബാത്തിന്റെ നൂറാം എപ്പിസോഡ് കേള്‍ക്കാതിരുന്നതിന് ചണ്ഡീഗഡിലെ പി.ജി.ഐ.എം.ഇ.ആര്‍ അഡ്മിനിസ്‌ട്രേഷന്‍ 36 നഴ്‌സിങ് വിദ്യാര്‍ഥികളെ ഹോസ്റ്റല്‍ വിടുന്നത് വിലക്കിയ സംഭവത്തിനെതിരെ തൃണമൂല്‍ കോണ്‍ഗ്രസ് (ടി.എം.സി) എം.പി മഹുവ മൊയ്ത്ര. പ്രധാനമന്ത്രിയുടെ പ്രസംഗം കേള്‍ക്കാത്തതിന് തന്നെ ശിക്ഷിക്കുമോ എന്നായിരുന്നു മഹുവചോദിച്ചത്.
ട്വിറ്ററിലൂടെയായിരുന്നു മഹുവയുടെ പ്രതികരണം. ”ഞാനും മങ്കി ബാത് ഇതുവരെ കേട്ടിട്ടില്ല, എന്നെയും ശിക്ഷിക്കുമോ? ഒരാഴ്ചത്തേക്ക് വീട്ടില്‍ നിന്ന് പുറത്തുപോകുന്നതിന് വിലക്കുണ്ടാകുമോ? അക്കാര്യമാലോചിച്ച് വലിയ വിഷമത്തിലാണ്.”എന്നായിരുന്നു മഹുവയുടെ ട്വീറ്റ്.