ജാമ്യവ്യവസ്ഥയില്‍ ഇളവ് ലഭിച്ച് കേരളത്തിലേക്ക് പോകുന്ന തനിക്ക് സുരക്ഷ നല്‍കാന്‍ കര്‍ണ്ണാടക പൊലീസ് വലിയ തുക ആവശ്യപ്പെട്ടെന്ന മദനിയുടെ ഹര്‍ജി സുപ്രീംകോടതി ഇന്ന് പരിഗണിക്കും. ജസ്റ്റിസ് അജയ് രസ്‌തോഗി അധ്യക്ഷനായ ബെഞ്ചാണ് കേസ് പരിഗണിക്കുക. സുരക്ഷ ചിലവായി 60 ലക്ഷം രൂപയാണ് കണക്കാക്കിയത്.
കേരളത്തിലേക്ക് പോകുന്ന മഅ്ദനിയുടെ സുരക്ഷയ്ക്കായി ആവശ്യപ്പെട്ട തുക വിശദമായ പരിശോധനയുടെ അടിസ്ഥാനത്തില്‍ തയ്യാറാക്കിയതാണെന്നും കുറയ്ക്കാനാകില്ലെന്നും കര്‍ണാടക സര്‍ക്കാര്‍ ഇന്നലെ സത്യവാങ്മൂലം നല്‍കിയിട്ടുണ്ട്. 20 അംഗ ടീമിനെയാണ് സുരക്ഷയ്ക്ക് വേണ്ടി നിയോഗിച്ചിരിക്കുന്നത്. ഇതിലും ഇളവ് വേണമെന്ന് ആവശ്യപ്പെട്ടു. താമസവും ഭക്ഷണവും കൂടി കണക്കിലെടുത്താല്‍ അകമ്പടിച്ചിലവ് ഒരു കോടിയോളം വരും.