വിവാഹിതയായ റൂബി ദേവിക്ക് കാമുകനുമായുള്ള അടുപ്പം മനസ്സിലായത് വര്‍ഷങ്ങള്‍ കഴിഞ്ഞാണ്. ഒരുദിവസം റൂബി ഒളിച്ചോടുന്നു, അയാളുമായി. എന്നാല്‍ അതിന് പകരം വീട്ടിയതോ, കാമുകന്‍ മുകേഷിന്റെ ഭാര്യയെ വിവാഹം ചെയ്തും. ബീഹാറിലെ കഗാരിയ ജില്ലയിലാണ് കൗതുകകരമായ സംഭവം. 2009ലായിരുന്നു നീരജും റൂബിയും തമ്മിലുള്ള വിവാഹം. തുടര്‍ന്നാണ് മുകേഷുമായുള്ള ബന്ധം നീരജ് അറിയുന്നത്. എങ്കിലും പരാതിയില്ലാതെ പത്തുവര്‍ഷത്തോളം കഴിഞ്ഞു. 2022ല്‍ റൂബി ഒളിച്ചോടുന്നു. പൊലീസിലും മറ്റും പരാതിപ്പെട്ടെങ്കിലും രക്ഷയുണ്ടായില്ല. നാലുമക്കളുമായി നീരജ് കഴിഞ്ഞു. അതിനിടെയാണ് വഴിത്തിരിവ്. ഓടിപ്പോയ മുകേഷിന്റെ ഭാര്യയുടെ പേരും റൂബിയെന്നാണ്. എന്നാല്‍ പിന്നെ അവരെ തന്നെ വിവാഹം ചെയ്താലോ? അത് ഒടുവില്‍ സംഭവിച്ചു. ഫെബ്രുവരി 20ന് നീരജും ഭാര്യയുടെ കാമുകന്റെ ഭാര്യയും തമ്മില്‍ വിവാഹം നടന്നു. ആരായാലുമെന്താ, നാലുകുട്ടികളെ നോക്കാനാളായല്ലോ.
ഏതായാലും വിഷയം സമൂഹമാധ്യമങ്ങളില്‍ വലിയ ചര്‍ച്ചയാണ്. ചിലര്‍ റൂബിക്കെതിരെ വാളോങ്ങുമ്പോള്‍, അവള്‍ രക്ഷപ്പെട്ടല്ലോ എന്ന് മറ്റുചിലര്‍. വഴക്കിനും വക്കാണത്തിനുമൊന്നും പോകേണ്ട, ഒറ്റത്തടി, പരമസുഖം എന്ന ്പറയുന്നവരും ഉണ്ട് !