റാന്നി പഴവങ്ങാടിയില്‍ പുലിയെ കണ്ടതായി നാട്ടുകാര്‍. ചൊവ്വാഴ്ച രാത്രി ഏഴരയോടെ ബൈക്കില്‍ സഞ്ചരിച്ച യുവാവാണ് പുലിയെ കണ്ടതായി അറിയിച്ചത്. പതുങ്ങി നിന്ന മൃഗം വീടിന്റെ ഗെയിറ്റിനടിയിലൂടെ ഓടി കയറാന്‍ ശ്രമിച്ചെന്നും പിന്നീട് ആള്‍ക്കൂട്ടത്തിന്റെ സമീപത്തു കൂടി അതിവേഗത്തില്‍ ഓടി രക്ഷപ്പെട്ടെന്നും യുവാവ് പറഞ്ഞു.
പുലിക്കുട്ടിയുടെ വലിപ്പമുണ്ടൈന്നും മഞ്ഞ നിറത്തിലുള്ള ശരീരത്തില്‍ പുലിയുടേതു പോലെ പുള്ളിയും കണ്ടെന്നും യുവാവ് പറഞ്ഞു. തിങ്കളാഴ്ചയും പുലിയെ പോലെ തോന്നിപ്പിക്കുന്ന മൃഗത്തെ കണ്ടതായി നാട്ടുകാര്‍ പറഞ്ഞു.
അതേസമയം, പുലിക്ക് സമാനമായ വള്ളിപൂച്ചയായിരിക്കാമെന്ന് റാന്നി ഫോറസ്റ്റ് അധികൃതര്‍ പറഞ്ഞു. എന്നിരുന്നാലും അന്വേഷണമുണ്ടാകുമെന്നും അധികൃതര്‍ അറിയിച്ചു.