ഭോപാല്‍: ആര്‍.എസ്.എസിനെ ചിതലുമായി താരതമ്യപ്പെടുത്തി മുതിര്‍ന്ന കോണ്‍ഗ്രസ് നേതാവ് ദിഗ്‌വിജയ സിങ്. വീടും വീട്ടുപകരണങ്ങളും അടക്കം നിശബ്ദമായി നശിപ്പിക്കുന്ന ‘ദിമാക്’ (ചിതല്‍) പോലെയാണ് ആര്‍എസ്എസ്. രാജ്യത്തെ മുഴുവന്‍ വ്യവസ്ഥയെയും നിശബ്ദമായി നശിപ്പിക്കുന്ന പ്രത്യയശാസ്ത്രമാണത്- സിങ് പറഞ്ഞു. തുടര്‍ച്ചയായി വിദ്വേഷ പ്രസംഗങ്ങള്‍ നടത്തുന്ന യു.പി മുഖ്യമന്ത്രി യോഗി ആദിത്യനാഥിനെയും അദ്ദേഹം വിമര്‍ശിച്ചു. ആദിത്യനാഥിന്റെ പ്രസംഗങ്ങള്‍ ശ്രദ്ധിച്ചിട്ടുണ്ടോ. ഹിന്ദു, മുസ്‌ലിം, ഹിന്ദുസ്ഥാന്‍, പാകിസ്താന്‍, ശ്മശാനങ്ങള്‍, ശവസംസ്‌കാരം എന്നിങ്ങനെയുള്ള വാക്കുകള്‍ മാത്രമേ അതിലുണ്ടാവൂ- സിങ് പറഞ്ഞു.