ഓണക്കാലത്ത് എക്‌സൈസ് ഓഫീസുകളില്‍ വിജിലന്‍സിന്റെ മിന്നല്‍ പരിശോധന. ‘ഓപ്പറേഷന്‍ കോക്ടെയില്‍’ എന്ന പേരിലാണ് പരിശോധന. എല്ലാ എക്‌സൈസ് ഡിവിഷന്‍ ഓഫീസുകളിലും തിരഞ്ഞെടുത്ത എക്‌സൈസ് സര്‍ക്കിള്‍ ഓഫീസുകളിലും റേഞ്ച് ഓഫീസുകളിലുമാണ് പരിശോധന.
ഓണക്കാലത്ത് കള്ളുഷാപ്പ്, ബാര്‍ ഉടമകള്‍ പരിശോധന ഒഴിവാക്കാന്‍ കൈക്കൂലി നല്‍കുന്നെന്നും കള്ളുഷാപ്പുകള്‍ക്കും ബാറുകള്‍ക്കും എക്‌സൈസ് ഉദ്യോഗസ്ഥര്‍ ഒത്താശ ചെയ്യുന്നുവെന്നും കണ്ടെത്തലുണ്ടായിരുന്നു. ഇതേ തുടര്‍ന്നാണ് മിന്നല്‍ പരിശോധന നടത്താന്‍ വിജിലന്‍സ് തീരുമാനിച്ചത്.