എറണാകുളം കളമശ്ശേരി ഇലക്ട്രോണിക് സിറ്റിയില്‍ സ്വകാര്യ ഭൂമിയില്‍ കെട്ടിടനിര്‍മ്മാണത്തിനിടയില്‍ മണ്ണിടിഞ്ഞ് അപകടം. ഏഴു പേര്‍ക്ക് അപകടം പറ്റിയതായാണ് പ്രാഥമികമായി അറിയാന്‍ കഴിയുന്നത്. അതില്‍ രണ്ടു പേരെ രക്ഷപ്പെടുത്തി. അഞ്ചു പേര്‍ നിലവില്‍ മണ്ണിനടിയില്‍ കുടുങ്ങി കിടക്കുകയാണ്. ഇവര്‍ക്കായുള്ള രക്ഷാപ്രവര്‍ത്തനം പുരോഗമിക്കുന്നു.
അപകടത്തില്‍പ്പെട്ട 7 പേരും അതിഥി തൊഴിലാളികളാണ്.
കെട്ടിട നിര്‍മ്മാണത്തിനായി മണ്ണ് നീക്കം ചെയ്യുന്നതിനിടെ ജോലിയില്‍ ഏര്‍പ്പെട്ട തൊഴിലാളികളുടെ മുകളിലേക്ക് മണ്ണിടിഞ്ഞു വീഴുകയായിരുന്നു.സ്ഥലത്ത് അഗ്‌നിശമനസേനയും പോലീസും രക്ഷാപ്രവര്‍ത്തനം നടത്തുന്നുണ്ട്. മണ്ണ് ദുഷ്‌കരമായതിനാല്‍ രക്ഷാപ്രവര്‍ത്തനവും ദുഷ്‌കരമാണ്.