ലക്ഷദ്വീപ് ഗസ്റ്റ് ഹൗസ് മുറി വാടക മൂന്നിരട്ടിയായി വര്‍ദ്ധിപ്പിച്ചു

കൊച്ചി: ലക്ഷദ്വീപ് ഗസ്റ്റ് ഹൗസിലെ മുറി വാടകകള്‍ കുത്തനെ ഉയര്‍ത്തി ലക്ഷദ്വീപ് ഭരണകൂടം ഉത്തരവ് പുറത്തിറക്കി. വിദ്യാഭ്യാസ ആവശ്യത്തിനും ചികിത്സക്കും മറ്റുമായി കേരളത്തിലെത്തുന്ന ദ്വീപുകാര്‍ക്ക് വളരെ കുറഞ്ഞ നിരക്കില്‍ മുറികള്‍ ലഭിച്ചിരുന്ന കൊച്ചി, കോഴിക്കോട് ഗസ്റ്റ് ഹൗസുകളിലെ വാടകയാണു വര്‍ദ്ധിപ്പിച്ചിരിക്കുന്നത്.

നേരത്തെ സാധാരണക്കാര്‍ക്ക് നൂറ്റമ്പത് രൂപ ദിവസ വാടക ഉണ്ടായിരുന്നത് അഞ്ഞൂറ് രൂപയാക്കിയാണ് പുതിയ ഉത്തരവ്. അന്യായവും അനവസരത്തിലുള്ളതുമായ വര്‍ദ്ധന പിന്‍ വലിക്കണമെന്ന് ആവശ്യപ്പെട്ട് ലക്ഷദ്വീപ് യൂത്ത് കോണ്‍ഗ്രസ്സ് ആവശ്യപെട്ടു. സംസ്ഥാന പ്രസിഡണ്ട് എം.അലിഅക്ബര്‍ ലക്ഷദ്വീപ് ജില്ലാ കലക്ടര്‍ക്ക് നിവേദനം നല്‍കി.