ഉപതെരഞ്ഞെടുപ്പ് പ്രഖ്യാപിച്ച പുതുപ്പള്ളിയില്‍ മുസ്ലിം ലീഗ് തെരഞ്ഞെടുപ്പ് കമ്മിറ്റി ഓഫീസ് തുറന്നു. പാമ്പാടിയില്‍ പ്രവര്‍ത്തിക്കുന്ന കമ്മിറ്റി ഓഫീസ് ഉദ്ഘാടനം മുസ്ലിംലീഗ് ദേശീയ ജനറല്‍ സെക്രട്ടറി പി കെ കുഞ്ഞാലിക്കുട്ടി നിര്‍വഹിച്ചു. യുഡിഎഫിന്റെ ഉജ്ജ്വലമായ വിജയത്തിന് എല്ലാ മുസ്ലിം ലീഗ് പ്രവര്‍ത്തകരും സജീവമായി രംഗത്തിറങ്ങണമെന്ന് അദ്ദേഹം ആവശ്യപ്പെട്ടു.
അതേസമയം പുതുപ്പള്ളി നിയോജകമണ്ഡലം യു.ഡി.എഫ് സ്ഥാനാര്‍ഥി ചാണ്ടി ഉമ്മന്റെ തിരഞ്ഞെടുപ്പു കണ്‍വന്‍ഷന്‍ ഇന്ന് വൈകിട്ട് 4 മണിക്ക് പാമ്പാടി സെന്റ് ജോണ്‍സ് പള്ളി പാരിഷ് ഹാളില്‍ കെ.സി. വേണുഗോപാല്‍ എം.പി ഉദ്ഘാടനം ചെയ്യും. വി.ഡി സതീശന്‍ അധ്യക്ഷത വഹിക്കും. പി.കെ കുഞ്ഞാലിക്കുട്ടി, കെ സുധാകരന്‍, രമേശ് ചെന്നിത്തല തുടങ്ങി യുഡിഎഫ് നേതാക്കള്‍ പങ്കെടുക്കും.