![](data:image/svg+xml;charset=utf-8,<svg height="444px" width="740px" xmlns="http://www.w3.org/2000/svg" version="1.1"/>)
കൊല്ലം കുളത്തൂപ്പുഴ ഓയില്‍ ഫാം എസ്റ്റേറ്റില്‍ തീപിടിത്തമുണ്ടായ സംഭവത്തില്‍ ബോധപൂര്‍വമെന്ന് തീ ഇട്ടതെന്ന് സംശയം. പ്രദേശത്തെ സിസിടിവി ദൃശ്യങ്ങള്‍ പൊലീസ് ശേഖരിക്കും.
സംഭവത്തില്‍ 75 ഏക്കറിലധികം പ്രദേശത്ത് തീ പടര്‍ന്നുവെന്നാണ് സൂചന. പ്രദേശത്ത് 18000 എണ്ണപ്പനകള്‍ ഉണ്ടെന്നാണ് കണക്കുക്കൂട്ടല്‍. പഅതേസമയം തീപിടിത്തം പുനലൂര്‍ ആര്‍ടിഒ അന്വേഷിക്കും. തീപിടിത്തമുണ്ടാകാനുള്ള കാരണം അന്വേഷിച്ച് റിപ്പോര്‍ട്ട് നല്‍കാന്‍ കൊല്ലം ജില്ലാ കലക്ടര്‍ പുനലൂര്‍ ആര്‍ഡിഒയെ ചുമതലപ്പെടുത്തി.
കണ്ടന്‍ചിറ എണ്ണപ്പന തോട്ടത്തിലെ തീപിടിത്തം പുലര്‍ച്ചെയോടെ അണച്ചു. ഇന്നലെ വൈകുന്നേരമാണ് തീപടര്‍ന്നു പിടിത്. വിവിധ സ്റ്റേഷനുകളില്‍ നിന്ന് പത്തോളം ഫയര്‍ യൂണിറ്റുകള്‍ എത്തിയാണ് തീ അണച്ചത്. സമീപത്തെ മാഞ്ചിയം പ്ലാന്റേഷനിലും തീ പടര്‍ന്നെങ്കിലും വനവകുപ്പും ഫയര്‍ഫോഴ്‌സും ചേര്‍ന്ന് അണച്ചു.
അതേസമയം ആരെങ്കിലും തീ മനപ്പൂര്‍വ്വം ഇട്ടതാണോ എന്നതില്‍ ഉള്‍പ്പടെ അന്വേഷണം നടത്തും. ഫയര്‍ഫോഴ്‌സ് യൂണിറ്റും സംഘവും മേഖലയില്‍ ക്യാമ്പ് ചെയ്യുന്നുണ്ട്.
